Unax Benito aurrelari zornotzarra, lehen taldera

SD Amorebietak jakinarazi nahi du Unax Benito Nieto (Amorebieta-Etxano, 2002-07-30) lehen taldera igoko dela denboraldi honetan Amorebieta B taldetik.

Aurrelari zornotzarra benjaminetatik dabil klubean eta funtsezko pieza izan da bigarren talde urdinak azken denboraldietan lortu dituen arrakastetan, hala nola, 2023-24an Lurraldeko Lehenengo Mailatik Lehentasunezko Mailara eta 2024-25ean Lehentasunezko Mailatik Ohorezko Mailara lortutako igoerak eta joan den denboraldian lurraldeko maila gorenean salbazioa lortzea.

Unax hazten joan da SDAn 8 urte zituenetik, bere zigilu golegilea utzita klubeko kategoria guztietan, eta gainera lanerako eta sakrifiziorako gaitasun handia erakutsiz. Horren ondorioz, duela bi denboraldi lehen taldearekin debuta egiteko aukera izan zuen Lehen Federazioan, Urritxen Zamoraren aurka jokatutako 33. jardunaldiko lehian, hain zuzen ere.

Denboraldi berri honetan, aurrelari zornotzarrak lehenengo taldera egingo du jauzia. Klubak zorterik handiena opa dio erronka berri honen aurrean.

Zorte on, Unax!