Hummel, SDAren babesle tekniko berria

SD Amorebietak Hummel marka jantziko du datorren 2026-27 denboraldian, klubak Danimarkako enpresarekin urdinen babesle tekniko ofizial berria izateko akordioa itxi ondoren.

Horrela, lehen taldeak eta oinarrizko futboleko taldeek Hummelen ekipazioak jantziko dituzte aurrerantzean, entrenamendurako eta kalerako arroparekin batera. Produktu berriak Amorebieta-Etxanoko erdiguneko San Miguel kalean dagoen klubeko denda ofizialean egongo dira salgai.