Abian da Amorebieta B taldearen aurredenboraldia, Eriz Goiria entrenatzailearen gidaritzapean

Martxan da Amorebieta B taldearen denboraldiaurrea, bigarren urtez jarraian Ohorezko Mailan lehiatuko duena. Entrenatzaile bezala Eriz Goiria zornotzarra estreinatuko da, pasa den denboraldian Jon Aurtenetxerekin batera Jubenila A taldea zuzendu zuena. Eriz Goiriarekin batera, Xabier Otiñano heldu da bigarren entrenatzaile gisa eta Aurtenetxe pasa den denboraldian lortutako igoeraren ondoren Euskal Ligan jokatuko duen jubenil taldeko entrenatzaile bezala mantenduko da. 

Ohorezko Mailako liga, Bizkaiko futbol erregionaleko mailarik altuena, irailaren 19 eta 20ko asteburuan hasiko da. Lehenengo jardunaldian, Amorebieta B Balmaseda FCren zelaira joango da. Urdinen estreinaldia Txolonen 2. jardunaldian helduko da, CD Paduraren kontra.